9 Shenjat kryesore të një kulture toksike të kompanisë

Sa më shpejt që vëreni trendet kulturore negative, aq më shpejt mund ta drejtoni anijen. Ja disa sinjale të shpeshta për t'i pasur parasysh:

1.      Vlerat kryesore nuk janë të përcaktuara

Kur vlerat kryesore të një kompanie janë të paqarta ose nuk e ekzistojnë, kjo krijon konfuzion te punonjësit rreth identitetit dhe parimeve të organizatës. Punonjësit mund të mos kuptojnë se çfarë pritet nga ata ose si të jenë në shërbim të misionit të kompanisë. Kjo paqartësi mund të çojë në vendime kontradiktore nga individët ose nga departamente të ndryshme, duke penguar zhvillimin e një kulture të fortë të kompanisë.

2.      Menaxherët nuk ndjekin vlerat kryesore

Të kesh vlerat e kompanisë vetëm në letër nuk mjafton—ato duhet të modelohen nga udhëheqësit e saj. Punonjësit mund të zhgënjehen kur liderët kanë një mentalitet "bëj si them unë, jo si bëj unë". Ky mungesë përgjegjësie mund të ulë motivimin dhe mund t'i shtyjë punonjësit të injorojnë vlerat kryesore të kompanisë, duke ndikuar përhapjen e sjelljeve të dëmshme për vendin e punës.

3.      Kandidatët nuk pranojnë ofertat e punës

Intervistat janë një rrugë me dy drejtime, me kandidatët që vlerësojnë jo vetëm rolin, por edhe mjedisin e punës dhe mundësitë e rritjes. Ata mund të refuzojnë një ofertë pune për arsye të ndryshme:

·        Mungesa e transparencës gjatë procesit të rekrutimit

·        Gama e pagave më poshtë mesatares së industrisë

·        Përfitimet e kufizuara

·        Mos përputhshmëria midis stilit të tyre të punës dhe stilit të menaxhimit të shefit

·        Vlerat e paqarta të kompanisë

Nëse kandidatët e mundshëm refuzojnë shpesh ofertat e punës, ka të ngjarë të ketë mos përputhje ndërmjet imazhit të projektuar të kompanisë dhe kulturës aktuale të punës.

4.      Punonjësit e rinj nuk qëndrojnë gjatë

Kompanitë kanë vetëm mesatarisht 44 ditë për të bërë një përshtypje të mirë të parë te punonjësit e rinj. Sipas një sondazhi të fundit nga Qualtrics, 39% e punonjësve që janë punësuar për gjashtë muaj tashmë po planifikojnë një largim të shpejtë pasi ata kanë tendencë të kenë nivele më të ulëta të angazhimit, mirëqenies dhe përfshirjes krahasuar me punonjësit më të vjetër.

5.      Punonjësit kanë nuk kanë balancë jetë-punë

Orari fleksibil është bërë një përfitim i zakonshëm prej pandemisë COVID-19 dhe punës në largësi. Megjithatë, nëse punonjësit vazhdimisht grumbullojnë orë shtesë për shkak të pritshmërive ose nevojës për të punuar gjatë pushimeve të drekës, natës ose fundjavës vetëm për të përballuar ngarkesën e tyre të punës, është një rruga drejt djegies (burn-out) të punonjësve.

6.      Normat e mungesave janë të larta

Është e pashmangshme që punonjësit të mungojnë në punë herë pas here. Nga të qenit të sëmurë, deri te përballja me emergjencat familjare, kështu është jeta. Megjithatë, vonesat e shpeshta ose mungesat mund të tregojnë për probleme themelore si menaxhimi i dobët ose kushtet e punës, duke lënë punonjësit të ndihen më pak të angazhuar dhe të motivuar për të kontribuar në suksesin e kompanisë.

Përveç vështirësive për të gjetur zëvendësim për punonjësit që mungojnë ka edhe pasoja afatgjata të dëmshme si humbja e besimit ndërmjet punonjësve dhe menaxherëve e ulja e kënaqësisë së klientëve, dhe dëmtimi i brendit të kompanisë.

7.      Punonjësit nuk ndihen të vlerësuar

Mosnjohja ose mungesa e shpërblyerjes së punonjësve kryesorë për një punë të bërë mirë mund të çojë në uljen e motivimit, produktivitetit dhe besnikërisë. Në fakt, sipas një sondazhi të fundit nga Gallup, punonjësit që nuk ndihen mjaftueshëm të mirënjohur janë dy herë më të prirur të thonë se do të largohen brenda vitit.

8.      Thashethemet janë të përhapura

Është një sinjal i kuq kur thashethemet janë të zakonshme në vendin e punës. Thashethemet dhe bisedat negative mund të shkatërrojnë shpejt besimin, të dëmtojnë marrëdhëniet dhe të krijojnë një mjedis pune armiqësor. Në fund të fundit, do të ishte sfiduese për punonjësit të përqendrohen në punën e tyre nëse janë vazhdimisht të shqetësuar për kolegët që pëshpëritin pas shpinës.

9.      Punonjësit me performancë të lartë nuk qëndrojnë

Një ndërrim i lartë midis punonjësve kyç ose udhëheqësve është shkak për shqetësim, pasi sugjeron se ata nuk kanë parë një të ardhme me kompaninë tuaj. Për më tepër, boshllëqet në kompetencë dhe shkathtësi që rezultojnë mund të kenë efekte negative në produktivitet, motivimin e ekipit dhe performancën e përgjithshme të kompanisë.