10 Gjërat që Duhen Marrë Parasysh kur Kërkoni një Vend Pune

Kur kërkoni një vend pune të ri, është e rëndësishme të vlerësoni faktorë të tillë si vlerat e kompanisë, mjedisi i punës dhe kompensimi për tu siguruar që roli të përputhet me personalitetin tuaj dhe qëllimet që keni në karrierë. Përpara se të aplikoni diku ose të pranoni një ofertë, krijoni një listë të kritereve që kompania ose pozita duhet t’i përmbushë.

Në këtë artikull, ne shqyrtojmë 10 faktorë kryesorë që duhen marrë parasysh kur kërkoni një punë të re për të drejtuar kërkimin tuaj.

1. Historia e kompanisë Përderisa askush nuk mund të parashikojë të ardhmen, të kuptuarit e historisë së një kompanie mund t'ju japë një pamje të shkurtër të stabilitetit, vlerave dhe kulturës së saj. Mësoni sa më shumë që të mundeni për punëdhënësin potencial nga faqet e internetit, llogaritë e rrjeteve sociale ose nga njoftime të tjera.  

Disa nga pyetjet për të cilat mund të hulumtoni :

·       Sa kohë ka kompania në biznes?

·       A po zgjerohet apo zvogëlohet kompania?

·       Si krahasohet punëdhënësi juaj i mundshëm me kompanitë e tjera brenda industrisë?

·       A ka informata për probleme ligjore apo financiare?

Rëndësia e secilit prej këtyre faktorëve do të ndryshojë në varësi të rrethanave tuaja individuale.  

2. Lokacioni   Kur vlerësoni kohëzgjatjen e ditës së punës, shikoni orarin tuaj dhe kohën e udhëtimit.  Jini realistë për sa kohë jeni të gatshëm të shpenzoni për rrugëtimin në punë dhe prej punës. Nëse lokacioni është më larg dhe nëse ju duhet të kaloni përmes trafikut të rënduar atëherë mendoni  sa kohë mund t’ju merr kjo dhe sa stres mund t’ju shkaktoj. Po ashtu udhëtimet e gjata mund t’ju marrin kohë nga jeta juaj personale, aktivitetet familjare, sociale e rutina të tjera.

3. Orari i punës

Orari i punës mund të ndryshojnë nga kompania në kompani, prandaj ju duhet të keni parasysh se si orët e punës do të përshtaten në jetën tuaj. Zbuloni sa orë pune priten në një javë të zakonshme, a duhet të punoni gjatë fundjavës dhe si trajtohet koha shtesë e punës.

4. Paga

Kompensimi duhet të plotësojë nevojat tuaja themelore dhe t'ju ndihmojë të planifikoni për të ardhmen. Kur jeni duke kërkuar punë, hulumtoni gamën e pagave për pozitën që po konsideroni në mënyrë që të mund të filloni me një pagë më të mirë fillestare.

5. Përfitimet

Kur krahasoni disa kompani, është e rëndësishme të krahasoni përfitimet që ofrohen. Në përfitime mund të hyjnë sigurimi shëndetësor, transporti, telefoni me shpenzime, laptopi etj. Benefitet shtesë janë të rëndësishme për të gjithë, por jo çdo kompani ofron ato.

6. Përgjegjësitë e punës

Para se të aplikoni për një vend pune, shikoni me kujdes përgjegjësitë e përshkruara në përshkrimin e pozitës. Këto detyra dhe përgjegjësi do të formësojnë përditshmërinë tuaj në punë, prandaj është e rëndësishme që ato të përputhen me aftësitë, interesat dhe synimet tuaja të karrierës.

Mos u bazoni vetëm te titulli i pozitës—nganjëherë, tituj të ngjashëm mund të kenë pritshmëri krejtësisht të ndryshme në kompani të ndryshme.

7. Mundësitë për zhvillim

Në vitet e para të karrierës suaj, është shumë e rëndësishme të gjeni punë që ofrojnë mundësi të rritjes dhe zhvillimit profesional. Pozitat e nivelit fillestar shpesh vijnë me paga më të ulëta, por ofrojnë përvojë të vlefshme dhe potencial për rol me kohë të plotë.

Mirëpo përderisa ju përparoni në karrierën tuaj, kërkoni punë që ju lejojnë të zhvilloni aftësi të reja. Shumë kompani ofrojnë trajnime ose mbulojnë koston e kurseve të zhvillimit profesional.

8. Balanca punë-jetë

Kur kërkoni një punë, është thelbësore të vlerësoni se si do të ndikojë ajo në jetën tuaj personale. Një ekuilibër i mirë mes punës dhe jetës private ndihmon në ruajtjen e mirëqenies mendore dhe fizike, duke shmangur stresin dhe lodhjen e tepërt.

9. Mjedisi i punës

Për shkak se do të kaloni shumë kohë në punë, sigurohuni që ambienti i punës të jetë i përshtatshëm për ju. Mendoni nëse preferoni të punoni në një kompani të vogël apo në një korporatë të madhe. Shikoni hapësirat e punës dhe përpiquni të mendoni se si mund të ndjeheni të punoni aty. Një hapësirë ​​pune që ju pëlqen mund të rrisë kënaqësinë dhe produktivitetin tuaj në punë.

10. Kolegët

Njerëzit me të cilët punoni luajnë një rol të madh në përvojën tuaj të përditshme në punë. Një ekip mbështetës, bashkëpunues dhe pozitiv mund ta bëjë punën më të këndshme, ndërsa një mjedis toksik mund të ndikojë negativisht në motivimin dhe produktivitetin tuaj. Gjatë procesit të rekrutimit, përpiquni të mësoni më shumë për kulturën e kompanisë dhe dinamikën e ekipit.